ਮਮਦੋਟ : ਬੀ.ਐਸ.ਐਫ਼ ਦੀ 124 ਬਟਾਲੀਅਨ ਵਲੋਂ ਸਰਹੱਦੀ ਖੇਤਰ 'ਚੋਂ 6 ਪੈਕਟ ਹੈਰੋਇਨ ਬਰਾਮਦ ਕਰਨ 'ਚ ਸਫਲਤਾ ਹਾਸਲ ਕੀਤੀ ਹੈ। ਬੀ.ਐਸ.ਐਫ ਦੇ ਅਧਿਕਾਰੀਆਂ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਮਮਦੋਟ ਖੇਤਰ 'ਚ ਤਾਇਨਾਤ ਬੀ.ਐਸ.ਐਫ ਦੀ 124 ਬਟਾਲੀਅਨ (ਜਲਾਲਾਬਾਦ ਸੈਕਟਰ) ਅਧੀਨ ਆਉਂਦੀ ਚੈੱਕ ਪੋਸਟ ਜੋਗਿੰਦਰ ਦੇ ਨੇੜਿਉਂ ਜ਼ੀਰੋ ਲਾਈਨ 'ਤੇ ਬਣੇ ਟਰੈਕ 'ਤੇ ਬੀ.ਐੱਸ.ਐਫ ਦੇ ਜਵਾਨਾਂ ਵੱਲੋਂ ਕੀਤੇ ਸਰਚ ਅਪਰੇਸ਼ਨ ਦੌਰਾਨ ਕੁੱਝ ਸ਼ੱਕੀ ਪੈਰਾਂ ਦੇ ਨਿਸ਼ਾਨ ਦੇਖੇ ਗਏ ਜਿਸ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਜਵਾਨਾਂ ਨੇ ਜਦੋਂ ਆਸ-ਪਾਸ ਅਤੇ ਨਾਲ ਦੇ ਖੇਤਾਂ 'ਚ ਖੜੀ ਅਰਬੀ ਦੀ ਫ਼ਸਲ ਦੀ 'ਤਲਾਸ਼ੀ ਲਈ ਤਾਂ ਕਰੀਬ 10 ਮੀਟਰ ਏਰੀਏ 'ਚ 'ਵੱਖ -ਵੱਖ ਥਾਵਾਂ ਤੋਂ ਖਿੱਲਰੇ ਹੋਏ 6 ਪੈਕਟ ਹੀਰੋਇਨ ਦੇ ਬਰਾਮਦ ਹੋਏ ।