ਨਵੀਂ ਦਿੱਲੀ : ਕੋਰੋਨਾ ਪੂਰੀ ਦੁਨੀਆ 'ਤੇ ਹਮਲੇ ਕਰ ਰਿਹਾ ਹੈ। ਭਾਰਤ ਵਿੱਚ ਵੀ ਇਹ ਕੋਰੋਨਾ ਕਹਿਰ ਜਾਰੀ ਹੈ। ਅਜੇਹੇ ਵਿਚ ਭਾਰਤੀ ਖੇਡ ਜਗਤ ਦੀਆਂ ਹਸਤੀਆਂ ਨੇ 'ਸਟੇ ਐਟ ਹੋਮ' (stay at home challenge) ਮੁਹਿੰਮ ਨੂੰ ਮਜਬੂਤ ਕਰਨ ਲਈ ਇੱਕ-ਦੂੱਜੇ ਨੂੰ ਚੈਂਲੇਜ ਦਿੱਤੇ ਹਨ। ਕ੍ਰਿਕਟਰ ਯੁਵਰਾਜ ਸਿੰਘ ਨੇ ਇਸ ਚੈਲੇਂਜ ਦੀ ਸ਼ੁਰੁਆਤ ਕਰਦੇ ਹੋਏ ਸਚਿਨ ਤੇਂਦੁਲਕਰ, ਰੋਹੀਤ ਸ਼ਰਮਾ ਅਤੇ ਹਰਭਜਨ ਸਿੰਘ ਨੂੰ ਘਰ ਵਿੱਚ ਰਹਿਣ ਦਾ ਇਹ ਚੈਲੇਂਜ ਦਿੱਤਾ ਹੈ। ਇਸ ਤੋਂ ਪਹਿਲਾਂ ਸਾਬਕਾ ਟੈਨਿਸ (tennis) ਸਟਾਰ ਮਹੇਸ਼ ਰਾਜਾ ਨੇ ਇਸ ਮੁਹਿੰਮ ਤਹਿਤ ਸਾਨਿਆ ਮਿਰਜਾ, ਰੈਸਲਰ ਬਜਰੰਗ ਪੂਨਿਆ, ਭਾਰਤੀ ਸ਼ਟਲਰ ਸਾਇਨਾ ਨੇਹਵਾਲ ਨੂੰ ਵੀ ਇਸ ਲਈ ਨੋਮੀਨੇਟ ਕੀਤਾ ਸੀ।
ਯੁਵਰਾਜ ਨੇ ਸਚਿਨ, ਰੋਹੀਤ ਤੇ ਹਰਭਜਨ ਨੂੰ ਦਿਤੀ ਚੁਨੌਤੀ |
ਯੁਵਰਾਜ ਸਿੰਘ ਨੇ ਆਪਣਾ ਇੱਕ ਵੀਡੀਓ ਟਵੀਟ ਕਰਦੇ ਹੋਏ ਲਿਖਿਆ ਹੈ ਕਿ ਇਸ ਚੁਣੋਤੀ ਵਾਲੇ ਸਮੇਂ ਵਿਚ ਮੈਂ ਆਪਣੇ ਆਪ ਨਾਲ ਇਹ ਪ੍ਰਣ ਕਰ ਚੁੱਕਿਆ ਹਾਂ ਕਿ ਮੈਂ ਕੋਵਿਡ-19 ਤੋਂ ਆਪਣੇ-ਆਪ ਨੂੰ ਬਚਾਉਣ ਲਈ ਘਰ ਵਿਚ ਹੀ ਰਹਾਂਗਾ ਅਤੇ ਤੱਦ ਤੱਕ ਇਸਨੂੰ ਜਾਰੀ ਰੱਖਾਂਗਾ ਜਦੋਂ ਤੱਕ ਇਹ ਜ਼ਰੂਰੀ ਹੈ। ਯੁਵੀ ਨੇ ਅੱਗੇ ਲਿਖਿਆ ਕਿ 'ਮੈਂ ਮੁਹਿੰਮ ਨੂੰ ਅੱਗੇ ਵਧਾਉਣ ਲਈ ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ, ਰੋਹੀਤ ਸ਼ਰਮਾ ਅਤੇ ਹਰਭਜਨ ਸਿੰਘ ਅਤੇ ਬਾਲਿਵੁਡ ਐਕਟਰੈਸ ਦਿਆ ਮਿਰਜਾ ਨੂੰ ਵੀ ਨੋਮੀਨੇਟ ਕੀਤਾ।
ਯੁਵੀ ਨੇ ਆਪਣੇ ਇਸ ਟਵੀਟ ਵਿੱਚ ਸੰਯੁਕਤ ਰਾਸ਼ਟਰ ਨੂੰ ਵੀ ਟੈਗ ਕੀਤਾ। ਭੱਜੀ ਨੇ ਇਸ ਚੈਲੇਂਜ ਨੂੰ ਤੁਰੰਤ ਸਵੀਕਾਰ ਵੀ ਕਰ ਲਿਆ ਹੈ। ਭੱਜੀ ਨੇ ਯੁਵੀ ਦੇ ਇਸ ਟਵੀਟ (tweet) ਦਾ ਜਵਾਬ ਦਿੰਦੇ ਹੋਏ ਲਿਖਿਆ ਹੈ ਕਿ ਘੱਟ ਅਨੁਮਾਨ ਲਾਉਣ ਦੀ ਜ਼ਰੂਰਤ ਨਹੀਂ ਹੈ ਮਿਸਟਰ ਸਿੰਘ, ਤੁਹਾਡਾ ਚੈਲੰਜ ਸਵੀਕਾਰ ਹੈ।